Ako Si Richelle

Dahil Emo Ako Ngayon

akocrixel — Sat, 20 Feb 2010 11:39:46 +0000

Siya ang ideal guy ko. Lahat ng hinahanap ko sa opposite sex, nasa kanya. Pero hanggang doon na lang yoon. Sabi ko pa noon mahirap na ang makahanap ng iba kasi nakita ko na si ideal guy. Pero syempre tinatawanan ko na lang ngayon yung emo’ng linyang yun.

May natutunan din naman ako. Walang lugar sa mundo ang idealismo. Sa kadahilanang ang pagiging idealistic ay iba sa pagiging realistic. Di naman porke ideal one mo sya, ideal one ka na rin para sa kanya. Di naman pala talaga automatic yun.

Di ko man ideal guy ang kasama ko ngayon, masaya naman ako. Mas gugustuhin ko na ito kesa naman mag-iilusyon ako, diba?

Di na ako bitter, PROMISE! Pag nagkita tayo, Ideal Guy, magha-HI! ako.

Mahirap Ka Na! Oo Na!

akocrixel — Sun, 07 Feb 2010 04:46:12 +0000

Mag-e-eleksyon na naman. Marami na namang mga pulitikong nag-aagawan sa atensyon ng mga botante, kanya-kanyang tapunan ng putik, at nagpapayaman sa mga mga TV networks, mga radio stations, at mga dyaryo. Di pa kasali dyan yung mga pagpi-print ng mga campaign paraphernalia nila.

Matanong ko lang no, san ba nanggagaling yung mga budget nila para sa magastos na kampanya nila? May disclaimer man sa huli ng political ads nila na nagsasabing “Paid for by the friends/supporters/ek ek of Chuva“. What the…! Sino namang niloko nyo? At bakit tayo magpapaloko? Alam nating pare-pareho na yung mga politikong tumatakbo mismo ang gumastos para doon. Duh.

Tsaka bakit ba kailangang ang pagiging mahirap ng mga politikong ito noon ang binibida nila ngayon? May nalalaman pa’ng “si chorva ang tunay na mahirap”, o di kaya ay “pang-masa si ek ek dahil alam nya ang buhay mahirap”. Sabihin nyo nga sakin, eh ano naman?E di alam nyo na. E di kayo na yung tunay na mahirap. Fine. Inaagaw ba? Nagiging tampulan pa tuloy kayo ng mga jokes sa mga social networking sites.

Ewan ko ba. Sa pagtatapos ng botohan at bilangan, maging simula na kaya ito ng magandang kinabukasan ng Pilipinas o lalo lang tayong malulugmok? Hay. Sa mga politiko, matupad man o hindi ang mga pangako nyo, sana lang wag nyo na lang hilahin pababa ang bansa natin.

Pet Name

akocrixel — Sat, 30 Jan 2010 03:15:59 +0000

May pet name ka ba? Yung supposedly cute name na inimbento ng nanay mo o kaya ng kapitbahay nyo na para lamang sa’yo. Ako kasi meron eh. Paki mo diba? Pero sasabihin ko pa rin. Di nga lang kagandahan. Baktol. Oo, baktol. Tama ang nabasa mo. Baktol na kagaya ng tawag sa bakat na pawis sa kilikili mo.

Pero kumpara sa mga pet names ng mga kapatid ko, mas okay pa rin yung akin. Yung sa panganay kong kuya Ketong ang pet name nya, o Kets for short. Palibhasa feeling kutis mayaman sya, pag kinakagat sya ng lamok o ng kung ano man at kinamot nya, nagsusugat agad at nagpepeklat pa. Eh ang puti nya kaya halatang-halata. Pinaganda ng isa ko pang kapatid kaya kilala na sya bilang Kets ngayon.

Yung isa ko naman kuya, hahahaha napakaganda talaga. Kilala naman sya sa pamilya namin bilang si Gilagid. Sayang di ko lang na-scan yung picture nya nung grade school sya pero todo ngiti pa sya noon tapos ang itim itim nya pa tapos ang liit liit nya tapos… Wahahahahaha. Katawa talaga. Wala kasi yung kanyang two front teeth. Kaya yung loko loko kung tito tinawag syang Gilagid.

Ang cute namin diba?

Kayo? May pet names din ba kayong kasing bantot ng amin? Aminin!

Pacencia Biskwit

akocrixel — Fri, 22 Jan 2010 15:10:36 +0000

Sabi nila “patience is a virtue”. Pero dahil sa di ako naniniwala sa kanila at di ako virtuous, di ako pasensyosang tao. Lalo na kung ang usapan ay magkikita ng ganitong oras sa ganitong lugar ngunit darating ka lamang makalipas ang 3 oras mula sa nakatakda at nawala ka pa. Tanga. Di pa naman nangyayari sa akin yan sa kadahilanang ang maximum time ko lang sa paghihintay ay 15 minutes. Pag lumagpas ka na doon, sorry ka, go home na ako.

Masamang ugali lalo na kung ang paguusapan ay yung kasabihang “good things come to those who wait“. Pero joke ba yan? Ano nalang ang nangyari sa dapat maging assertive and aggresive ka kung gusto mo mag-succeed?

Kung iisipin nating mabuti, maraming kasabihan sa mundo na magulo gaya mo. Halimbawa, “birds of the same feather, flock together“. Duh. Eh bakit ang magnanakaw galit sa kapwa magnanakaw? E diba supposedly pareho sila ng feather? E bakit sila galit? Contradicting.

May isa pa. Medyo emo ha, pasintabi. Isa pang sabi ng mga mang uuto, kapag mahal mo nang isang tao, ipaglaban mo. Tapos sabi sa kabila, “learn to let go“. Eh ano ba kasi talaga? Bakit ang gugulo ng mga hinayupak na utak nyo?

Huhulaan ko. Mga babae ang nag-isip ng mga kasabihang yan. *wink*

Kung ano’t ano pa man, ang ayaw ko lang naman talaga eh yung nahihintay akong parang tanga at nagmumuka akong nginuyang bubble gum eh. Mahirap ba kasing sumunod sa napag-usapang oras?

Pagpapakilala

akocrixel — Mon, 18 Jan 2010 10:08:40 +0000

Halu! Ako si Richelle. Sabi ng mga kaibigan ko’ng bading, tomboy daw ako. Sa tingin ko naman hindi. Confused lang. Charing! Babae naman talaga ako at lalaking may lawit din ang hanap ko. Yung totoong lalaki, hindi lamang yung mga hugis lalaki.

Dahil siguro sa sumpa ng pagkakataon at ng mga magulang ko kaya napagkakamalan tuloy akong tomboy. Laking exclusive school kasi ako. Sabi nga nila, ang mga exclusive schools na gaya ng CSJL, CSR, Don Bosco at LCCM ay ilan lamang sa mga breeding ground ng kabadingan at katomboyan.

Isisisi ko na rin sa dalawa kong kapatid. Maraming naiinggit sakin at naiintindihan ko naman sila kasi may dalawa akong mas matatandang mga kuya. Sweet kaso ibig sabihin rin noon, namulat ako sa mga larong panlalaki. Naaalala ko pa nga noong kinder ako nakikipaglaro ako ng suntukan doon sa kapitbahay naming si James Baliw kasi panghapon ako noon. Bakit James Baliw? Ewan ko. Para yata sounds like James Bond. Naks. Hehe. Parang hindi naman. Nung mga panahon na yoon syempre malay ko ba ‘no pero ngayon, buong ningning ko ng masasabi na may pagkabaliw nga sya.

Pero dati pa yoon. Mahinhing dalagang Filipina na ako. May bahid nga lang ng kabaklaan sa katawan pero babaeng babae pa rin naman. Kumekerengkeng na nga eh. Ang gulo. Basta babae ako. Kaya sa mga detractors ko, sorry na lang kayo. *witch laugh*